Flower
Flower

Rudina Hajdari takon ambasadoren e Gjermanisë: “Nuk është zgjidhje djegia e mandateve, as arroganca e qeverisë”

Ditën e sotme, deputetja e PD, Rudina Hajdari, e cila refuzoi të digjte mandatin e saj, ka takuar ambasadoren e Gjermanisë në Tiranë, Sussane Shutz.

Nëpërmjet një postimi në Facebook, Rudina ka folur mbi krizën politike në vend, duke thënë se nuk duhet qëndruar duarkryq përballë kësaj situatë dhe se zgjidhje nuk është as vendimi i PD dhe as arroganca e qeverisë.

Statusi i Rudinës:

Diskutuam për situatën e vështirë dhe shumë delikate në të cilën ndodhet vendi dhe institucionet Shqiptare aktualisht.

Miqtë tanë Evropianë dhe Gjermanë janë tepër të shqetësuar për krizën politiko-institucionale në vend ashtu sikurse është i shqetësuar çdo qytetar Shqiptar.
BE kërkon me të drejtë përgjegjshmëri të lartë dhe integritet nga politikanët Shqiptare, nga qeveria dhe opozita.

Është e papranushme që politika në tërësi të vazhdojë me modelin e vjetër që nuk përfaqëson aspak qytetarët Shqiptarë, aspiratat, qëllimet dhe vlerat e tyre. Dorëzimi në bllok i mandateve nga ana e opozitës nuk është zgjidhje ashtu siç nuk është aspak zgjidhje arroganca qeveritare.
Sjellja e politikës Shqiptare sot është modeli më i keq i mundshëm që po i ofrojmë qytetarëve Shqiptarë dhe sidomos të rinjve.

Nuk mund të rrimë duar-kryq dhe të presim që ky ngërç i paprecedent politiko-institucional të zgjidhet vetë. Situata mund të agravojë kur aktorët nuk vlerësojnë siç duhet rrethanat. Të gjithë aktorët kanë detyrimin që të reagojnë sa më parë për të orientuar një zgjidhje politike të gjithëpranueshme për krizën e paprecedentë në cilën gjendet sot Shqipëria, për një zgjidhje që siguron në radhë të parë interesin qytetar dhe kombëtar, pa ceduar demokracinë me qëllim që të ndikojmë pozitivisht të ardhmen e Shqipërisë dhe anëtarsimin e saj në BE.

Takim me Ambasadoren e Gjermanisë në Tiranë, Znj. Sussane SHÜTZ.Diskutuam për situatën e vështirë dhe shumë delikate…

Gepostet von Rudina Hajdari am Donnerstag, 14. März 2019

 

Ju mund të pëlqeni dhe këto